Ibufuliiru.com

Guno guliri mukolwa ugukagwajikwa no mwana witu we Bufuliiru uliri muberangirwa Ayivugwe Kabemba Mukome. Anabagage aliri mundu umusalira bweneene, kera anakola ibindu bingi bweneene. Inzaliro zage no kushungika kwage kuliri kudeta kwo akole byoshi ngisi byangaba ashobwiri higulu lyo kudeta kwo ahise hala indeto yitu Kifuliiru nga ngis kwashobwiri. Ibufuliiru.com guliri mukolwa akagwajika ikyanya akabona kwo kera abindu byakaya higulu ikyanya alikizi looza ibiyandika ku Bufuliiru anayijigwana kwo kiri no muteri gwo kulooza ugumuberangirwa Google gutaliyiji ikindi kiri ne kiguma ku Bufuliiru. Kyo kikatuma agayamigwajika ukukola ibiloziri Ibufuliiru. Anabagage agweti agayandika mu Kifuliiru higulu lyokudeta kwo inzaliro zooshi ngisi zo agweti mu yehe zibere mu Kifuliiru kuguma na yukwo indeto yahe yo na ndeto yitu Kifuliiru igale bweneene. Kera akola imikolwa itali na minini. Na yibi ngisi byo'gweti ugasoma hano ku kino kinyerere no guno mukolwa gwoshima ye'kagugwajika ukushagira ku nzalira ukuhisa ku bino byoshi ubwini. Uno mwana witu anabe akasoma byo'buhinga buhyahya, anasima ukudeta kwo indetp yitu nayo iyungukire mu ngisi byoshi by'ayiji.

Mwangasoma bingi kuyehe Ayivugwe Kabemba hano (opens in a new tab) na ku guno mukolwa Ibufuliiru.com hano (opens in a new tab).